"Abincinka Maganinka", wannan ita ce kalmar da mu ke amfani da ita, duk lokacin da muka tashi yin rubutu da ya shafi abincin da muke ci don warkar da cututtuka ko don samun riga kafin kamuwa da su, ko kuma don kara inganta lafiyarmu. Mu na jin dadin maimaita wadannan kalmomi, kuma da gaske mu ke wannan batu, ko tantama babu abincinmu maganinmu ne.
Saboda haka ne, a wannan rana shafinku mai farin jini na "Lafiyar Iyali" zai duba fa'idar da Kanumfari ke da ita ga lafiyarmu. Hakika Kanumfari ya yi fice wajen bayar da riga kafin kamuwa daga wasu cututtuka, da waraka da kuma inganta lafiya ta wajen yawaita amfani da shi.
Shekaru aru-aru da suka wuce, al'ummar kasashe da yawa irin su Indiya, Indonesiya, Amurka da wadansu daga cikin kasashen Afrika da na Larabawa da yawa, ke amfani da shi don samun waraka, ko riga kafin kamuwa daga wasu cututtuka.
Kodayake, mai karafu zai ce, ai shi kanumfari ba wani abinci ne da za'a ci a koshi ba, anan sai mu ce, amma dai sanadari ne da ake hada nau'ika dabam dabam na abincin da muke ci yau da kullum. Misali a kasar Amurka Sukan yi amfani da shi wajen girki da kuma yin Biredi. Yayin da a kasar Netherland sukan yi amfani da shi wajen hada wainar Fulawa.
Haka dai al'amarin yake gwargwadon kasa da al'adar mutanenta, gwargwadon yadda su ke amfani da wannan tsiro mai matukar amfani.
Kanumfari nada Amfani ga lafiyar dan Adam domin yana Maganin cututtukan da kan addabi dan adam, hakanan ya na iya rigakafin wasu da dama.
Ba tare da bata lokaci ba, ga wasu daga cikin amfanin Kanumfari ga lafiyarmu, da fatan mai karatu zai bi a hankali kuma ya gama karanta wannan makala har karshenta don ya amfana. Da fatan kuma 'yan uwa za ru rarraba a shafukan sada zumunta na zamani don sauran 'yan uwa su amfana.
1. Maganin Makero Ko Kurajen Fata.
Kamar yadda mu ka ambata a sama tun da farko, ana amfani da kanumfari a kasashe da yawa wajen magance wa tare da riga kafin wasu cututtuka, kuma misalan kasashe ya gabata. Game da gyaran fata da magance cutukan fata, kasashen China da Japan kan yi sabulu da Kanumfari domin magance cutukkan da ke shafar fata.
Saboda haka game da makero da sauran kurajen fata, ana amfani da man kanumfari ne, a shafa a wurin da matsalar ta ke, musamman bayan fitowa daga wanka.
2. Maganin Mura.
Ba shakka Kanumfari ya na maganin mura. Yadda za ai amfani da shi, shi ne, Idan murar ta shafi magogwaro ne, sai a dafa shayi a zuba kanumfari da citta da tafarnuwa a ke sha, safe da yamma. Idan kuma murar ta haddasa ciwon kai, bayan amfani da shayin sai a samu man kanumfari ake shafawa a goshi, zai taimaka matuka gaya.
Hakika kanumfari ya na maganin warin baki kwarai da gaske. Ga mai son amfani da shi ta wannan sigar, tun da farko zai samu kanumfarinsa, sai ya zuba a ruwa ya dafa shi, ya kyale shi ya tafasa, sannan ya sauke, ya bar shi ya huce, sai ya ke wanke baki da ruwan dumin a kalla sau uku a kullum. A jarraba za a ga fa'ida, In sha Allahu.
4. Kara Girman Mazakuta.
Hakanan kanumfari na taimaka wa wajen kara girman azzakari. Tun da farko za'a samu garin kanumfari, sai a cakuda shi da mansa, sannan a zuba man zaitun, idan za a kwanta barci, a shafe ilahirin gaba da wannan hadi. Hakanan za'a shafa wannan hadi bayan fitowa daga wanka. A juri yin haka, in Allah ya so, za a ga fa'idarsa.
Akwai hanyoyi biyu da ake amfani da kanumfari wajen magance ciwon hakori, imma dai a yi amfani da mansa ko kuma garinsa.
Idan da man a ke son yin amfani, sai a samu auduga a zuba man daidai misali a lika a kan hakorin da ke ciwo, a danne da hakori har zuwa wani lokaci.
Idan kuma garin ne, tun da farko za a samu kanumfari, sai a nike shi har sai ya zama gari, sannan a zuba ruwa a kwaba shi gwargwadon bukata, sai a lika a jikin hakorin da ke ciwo.
6. Maganin Amai.
Ga Mata masu juna biyu dake fama da amai, sai su samu garin kanunfari daya bisa hudu(1/4) na cokalin shayi, wato karamin cokali, a hada da babban cokali daya na zuma a cakuda, sannan a sha.
Idan kuma amai din ya kasance na larura kadai, a samu kanumfari, daya bisa hudu na karamin cokali da kofi daya na ruwa, sai a tafasa shi, sannan a saka sikari cokali daya a sha.
7. Kara Karfin Mazakuta.
Ga duk Mai son kara karfin mazakutarsa don gamsar da iyali kuwa, sai ya samu Man kanumfari ya shafe gabansa da shi awa guda kafin ya fara jima'i da iyali.
Za a samu man kanumfari sai a hada shi da man Ridi a ke digawa a kunne mai ciwo duk lokacin da za'a kwanta barci.
9. Maganin Kurajen Harshe.
Don Magance Kurajen Harshe, sai a samu garin kanumfari, sannan a saka a jikin harshen ko kuma a zuba a ruwa a dinga kurkure baki da shi. Hakanan idan da dare ne, sai a bari har lokacin da za'a kwanta sai a zuba kanumfarin a baki, za'a ga amfaninsa kafin wayewar gari, In sha Allahu.
No comments